Дзяржаўтаінспекцыя Капыльскага РАУС заклікае кіроўцаў да падвоенай увагі за рулём, асабліва ва ўмовах абмежаванай бачнасці і пры неспрыяльных умовах надвор'я. Пры пад'ездзе да нерэгуляваных пешаходных пераходаў вадзіцель абавязаны знізіць хуткасць, аж да спынення транспартнага сродку, каб саступіць дарогу пешаходам. Маючы перавагу, пешаход абавязаны быць вельмі ўважлівым, асцярожным, не адцягвацца пры пераходзе праезнай часткі абавязкова глядзець па баках, выключыць размовы па мабільным тэлефоне і выкарыстання навушнікаў пры праслухоўванні якой-небудзь інфармацыі ці музыкі, сваімі дзеяннямі не ствараць перашкоды для руху транспартных сродкаў.
Паважаныя вадзіцелі і пешаходы ставіцеся адзін да аднаго з разуменнем і павагай! На дарозе ўсе роўныя і ў кожнага ёсць перавага, але толькі тады, калі яна не супярэчыць правілам дарожнага руху!
Максім Паўлюшчык,
інспектар ДПС АДАІ Капыльскага РАУС
лейтэнант міліцыі
