Лічыцца, што ў ёй утрымліваюцца спецыфічныя бялковыя структуры супраць антыгенаў тканін і клетак арганізмаў: яны могуць дапамагчы ачуняць пацыентам, якія цяжка пераносяць хваробу.
- Калі вы перанеслі каранавірусную інфекцыю (COVID-19), то можаце дапамагчы пацыентам, якія ў цяперашні час змагаюцца з інфекцыяй, прыняўшы ўдзел у данацыі (добраахвотнай здачы) плазмы, – звяртаецца да ўсіх, хто перахварэў COVID-19, загадчыца аддзялення трансфузіялагічнай дапамогі Капыльскай ЦРБ Таццяна Шынгірэй. - Да катэгорыі асоб, якія перанеслі каранавірусную інфекцыю (COVID-19), адносяцца асобы, якім дыягназ быў усталяваны медыцынскімі работнікамі арганізацый аховы здароўя і пацверджаны лабараторна. Факт акрыяння павінен быць у АБАВЯЗКОВЫМ парадку пацверджаны вынікамі клінічных і лабараторных метадаў даследавання і зафіксаваны ў медыцынскай дакументацыі.
Чалавек, які перанёс COVID-19, які хоча здаць плазму, павінен быць здаровым: павінны адсутнічаць клінічныя сімптомы і любыя лабараторныя прыкметы каранавiруснай інфекцыі на працягу мінімум 15 сутак. Акрамя гэтага існуюць стандартныя патрабаванні, якія выконваюцца для ўсіх донараў: узрост 18-60 гадоў, вага не менш за 50 кг і інш. Усе неабходныя даследаванні ажыццяўляюцца ў ДУ «Рэспубліканскі навукова-практычны цэнтр трансфузіялогіі і медыцынскіх біятэхналогій». Працэдура данацыі плазмы бяспечна для донараў і праводзіцца толькі ў Рэспубліканскім навукова-практычным цэнтры трансфузіялогіі і медыцынскіх біятэхналогій.
Вы неабыякавыя і жадаеце дапамагчы іншым людзям? Тады звяртайцеся па тэлефонах: у аддзяленне трансфузіялагічнай дапамогі Капыльскай ЦРБ-54-4-99 або па нумары яго загадчыцы Таццяны Аляксандраўны Шынгірэй (8-029) 767-78-12.
Дзіяна Ткачэнка