Дадзенае мерапрыемства арганізавана з мэтай пошуку найбольш выразнага вобраза майстра-гарбара, які ўвасабляе рабочага-рамесніка местачковага Капыля канца ХІХ-першай паловы ХХ стагоддзя, маладога пісьменніка-капыляніна Цішку Гартнага. Сваю працоўную дзейнасць ён пачынаў у гарбарнай майстэрні, дзе цяпер знаходзіцца Капыльскі раённы краязнаўчы музей.
Арганізатар конкурсу - Капыльскі райвыканкам, каардынатарам выступае аддзел ідэалагічнай работы, культуры і па справах моладзі райвыканкама.
У конкурсе могуць прыняць удзел фізічныя і юрыдычныя асобы, адна асоба або творчы калектыў (скульптары, архітэктары), якія маюць адпаведную прафесійную адукацыю.
Галоўнае патрабаванне – кампазіцыйнае і пластычнае выкананне помніка павінна быць вытрымана ў лепшых традыцыях класічнага і нацыянальнага манументальнага мастацтва. Ён будзе ўсталяваны каля раённага краязнаўчага музея.
Марыя Шэіна
Рашэнне райвыканкама «Аб правядзенні конкурсу эскізных праектаў памятнага знака «Майстар-гарбар» і Палажэнне аб арганізацыі і правядзенні конкурсу можна спампаваць тут