Дзяржаўны камітэт па навуцы і тэхналогіях Рэспублікі Беларусь пры ўдзеле Беларускага інавацыйнага фонду праводзіць 14-ы рэспубліканскі конкурс інавацыйных праектаў. Заяўкі ўжо прымаюцца.
У конкурсе разглядаюцца сацыяльна значныя інавацыйныя праекты розных стадый рэалізацыі са стратэгіяй камерцыялізацыі, якія адпавядаюць прыярытэтным напрамкам навуковай, навукова-тэхнічнай і інавацыйнай дзейнасці. Удзел у конкурсе — гэта магчымасць для распрацоўшчыкаў праектаў прадставіць свае ідэі шырокай грамадскасці, атрымаць адзнаку экспертаў і грашовыя прызы.
Заяўкі прымаюцца ў наступных намінацыях: «Лепшы інавацыйны праект» (удзельнікамі могуць быць юрыдычныя і фізічныя асобы) і «Лепшы маладзёжны інавацыйны праект» (для фізічных асоб не старэйшых за 35 гадоў).
У мэтах падрыхтоўкі ўдзельнікаў конкурсу да разгляду і абароны інавацыйных праектаў будуць праведзены семінары-трэнінгі з прыцягненнем вядучых беларускіх спецыялістаў па інавацыйнай і венчурнай дзейнасці, бізнес-планаванні.
Жадаючым прыняць удзел у конкурсе да 1 жніўня 2023 года неабходна прайсці абавязковую рэгістрацыю на сайце конкурсу http://konkurs.belinfund.by, запоўніць формы (заяўку, пашпарт і бізнес-план інавацыйнага праекта або тэхніка-эканамічнае абгрунтаванне, стратэгію камерцыялізацыі) і накіраваць у друкаваным выглядзе камплект конкурсных дакументаў у адрас Беларускага інавацыйнага фонду (220072, г. Мінск, пр-т Незалежнасці, 68-2, кб 103). Тэрмін іх падачы - да 1 жніўня 2023 года.
Пасля завочнага адбору заявак (праверкі дакументаў па фармальных прыкметах, экспертызы), аўтары 40 лепшых распрацовак прымуць удзел у фінальным этапе абароны праектаў перад саветам конкурсу.
Пераможцам і прызёрам конкурсу ўручаюцца дыпломы і прэміі. За першае месца (2 пераможцы) - 86 базавых велічынь (3 182,00 рубля), за другое (4 прызёры) - 57 базавых велічынь (2 109,00 рублёў), трэцяе месца (6 прызёраў) - 29 базавых велічынь (1 073 ,00 рубля).
Сярод пераможцаў і прызёраў савет конкурсу адбірае праекты для далейшай камерцыялізацыі іх вынікаў, якія атрымаюць сертыфікаты ў памеры 571 базавай велічыні (21 127,00 рублёў). Палажэнне аб рэспубліканскім конкурсе інавацыйных праектаў і формы заяўных дакументаў размешчаны на сайце конкурсу http://konkurs.belinfund.by. Дадатковую інфармацыю па ўдзеле ў конкурсе можна атрымаць па тэлефоне +375 17 270 84 29 ці па e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..
Падрыхтавала Крысціна ЖОГАЛЬ
Крыніца «СП»
