Копыльский районный исполнительный комитет

7 лютага, Капыль /Уласн. інф./. Яшчэ чатыры дыпломы прывезлі навучэнцы Капыльшчыны з ІІІ этапа рэспубліканскай прадметнай алімпіяды.

4 февраля, Копыль /Соб. інф./. На базе сельскохозяйственных предприятий района состоялось выездное практическое занятие слушателей областных курсов повышения квалификации. Участники познакомились с инфраструктурой агрогородков Семежево, Быстрица, Старица, посетили мехдворы, познакомились с ходом реконструкции МТФ «Быстрица», организацией производства говядины на комплексе «Черничное», ходом ремонта техники к проведению весенне-полевых работ.

3 лютага, Капыль /Уласн. інф./. Саламяныя пілеты (своеасаблівыя гранулы) у хуткім часе будуць выкарыстоўвацца ў кацельнях горада. Такое новаўвядзенне на мясцовым відзе паліва запланавана на 2011-2012 гады. Салома будзе нарыхтоўвацца ў гаспадарках раёна. Дарэчы, на сезон яе неабходна 20 тысяч тон. Да таго ж і тэмпература гарэння вышэй, чым некаторых іншых відаў паліва.

2 лютага, Капыль /Уласн. інф./. Інспекцыя Міністэрства па падатках і зборах Рэспублікі Беларусь па Капыльскім раёне па выніках работы за 2010 год заняла трэцяе месца ў конкурсе сярод падатковых інспекцый вобласці другой групы. Днямі начальнік інспекцыі МПЗ па Мінскай вобласці Уладзімір Бурш уручыў калектыву Ганаровую грамату за паспяховую працу.

1 лютага, Капыль /Уласн. інф./. Лясноўскае школьнае лясніцтва, якім кіруе настаўнік Віктар Іванавіч Караленка, стала пераможцам у абласным конкурсе школьных лясніцтваў і ўзнагароджана Дыпломам І ступені.

1 лютага, Капыль /Уласн. інф./. Адбыўся “зорны паход” студэнтаў Белдзяржпедуніверсітэта па месцах баявой і працоўнай славы беларускага народа

27 студзеня, Капыль /Уласн. інф./. Стала ўжо добрай традыцыяй правядзенне конкурсаў мастацкай самадзейнасці сярод калектываў прадпрыемстваў, арганізацый і ўстаноў, якія размешчаны на тэрыторыі Цімкавіцкага сельсавета. У гэтым годзе самадзейныя артысты ўжо чацвёрты раз выйдуць  на сцэну мясцовага сельскага Дома культуры, каб яшчэ раз засведчыць талент і майстэрства простых людзей – працаўнікоў сваіх калектываў.

26 студзеня, Капыль /Уласн. інф./. Зімовая спартакіяда работнікаў аграпрамысловага комплексу сабрала на фізкультурна-аздараўленчым комплексе больш за 300 чалавек з 25 каманд. Яна стала адным з самых масавых за ўсю гісторыю правядзення падобных мерапрыемстваў. Шчырымі балельшчыкамі на свяце здаровага адпачынку сталі дзеці, якія больш за астатніх перажывалі за каманду татаў і мам, старэйшых сясцёр і братоў, якія выходзілі на старт кожнага віду праграмы.

24 студзеня, Капыль /Уласн. інф./. У РЦК на тэматычнай дыскатэцы прайшоў конкурс “Міс Зіма-2011”.

Дзесяці дзяўчатам былі прапанаваны разнастайныя конкурсы на спрытнасць, кемлівасць і артыстызм. У перапынках паміж іспытамі настрой юнакам і дзяўчатам, якія прыйшлі на дыскатэку, узнімаў танцавальны калектыў “Freedance” (кіраўнік Таццяна Кахановіч).

21 студзеня, Капыль /Уласн. iнф./. Дыпломам І ступені ўзнагароджаны вучань 8 класа УА “ДАСШ № 2 г. Капыля імя Ц. Гартнага” Уладзіслаў Быліновіч, які разам з дзесяцікласнікам СШ № 3 Алегам Загрывай узяў удзел у ІІІ этапе рэспубліканскай прадметнай алімпіяды па матэматыцы.

Акрамя юных матэматыкаў, якія спаборнічалі на базе Барысаўскага дзяржаўнага каледжа, у г. Дзяржынск выязджала і каманда аматараў роднай мовы. Свае веды паказвалі вучаніцы 9 і 10 класаў гімназіі № 1 г. Капыля Юлія Волкава і Наталля Чарніцкая, дзесяцікласніца з СШ № 2 Вераніка Станкевіч і адзінаццацікласніца з СШ № 3 Таццяна Садовік. Алімпіяда па рускай мове праходзіла ў г. Маладзечна, па хіміі - ў г. Мінску.