У Мінскай вобласці сёння востра стаіць праблема склону жывёлы, што прыводзіць да скарачэння мясной і малочнай прадукцыі. Для таго, каб яе вырашыць, у рэгіёне рэалізуюць праграму па падтрымцы сельскагаспадарчых прадпрыемстваў, якая накіравана на ўзвядзенне новых сельскагаспадарчых аб'ектаў, паляпшэнне ўмоў для ўтрымання маладняку і дойнага статка.
"Сёння гаспадарцы, якая не мае вялікай выручкі, складана пабудаваць сучасную малочнатаварную ферму ідзі іншы важны аб'ект у кароткія тэрміны. Для таго, каб яны ўзводзілі аб'екты з добрымі ўмовамі для статка і пачыналі эфектыўна працаваць, мы выдзяляем грашовыя сродкі на пэўныя мэты. Напрыклад, на праектаванне фермы, закупку матэрыялаў для будаўніцтва і абсталявання.Усю астатнюю работу часта выконваюць самі прадпрыемствы.Так, дзякуючы гэтай праграме да канца бягучага года ў Мінскай вобласці ўвядуць у эксплуатацыю 44 новыя аб'екты, сярод якіх 5 малочнатаварных ферм. годзе плануем узвесці 17 малочнатаварных ферм", - расказаў Васіль Сысоеў.
На сённяшні дзень аб'екты, якія будуць узведзены ў наступным годзе, праектуюцца. Яны з'явяцца ў Слуцкім, Салігорскім, Любанскім, Капыльскім, Клецкім раёнах. Плануецца, што ў цэлым на ўтрыманні там будзе знаходзіцца 17 тыс. галоў буйной рагатай жывёлы. "Будуем фермы для 800, а ў перспектыве для 1-2 тыс. галоў. Гэта вялікія памяшканні з умовамі, якія даюць магчымасць жывёлам адчуваць сябе камфортна і даваць добрыя вынікі па надою не ніжэй за 7 тыс. літраў," - падкрэсліў старшыня камітэта.
На сённяшні дзень на фермах у Мінскай вобласці налічваецца крыху больш за 320 тыс. галоў буйной рагатай жывёлы. Сталічны рэгіён выходзіць на 6 тыс. л надою малака ад адной каровы.
Мінскі абласны выканаўчы камітэт
Крыніца: minsk-region.gov.by