У першым матчы ў Архангельску беларусы ва ўпартай барацьбе перамаглі каманду "Курчатаў" з Чэлябінска з перавагай два ачкі - 14:12. У другой сустрэчы групавой стадыі "Шахцёр" перайграў маскоўскі клуб МАІ-МБА - 21:15, а ў вырашальным паядынку за выхад у наступны этап быў абыграны магнітагорскі "Металург" - 14:12.
У першым раўндзе, які праходзіў у канцы лістапада ў Обнінску, беларускія падапечныя расійскага трэнера Уладзіміра Агабаб'яна Максім Каратцоў, Антон Зарэцкі, Ілья Мілашэўскі і Максім Сазонаў перамагалі маскоўскі клуб "Паўночны" - 21:12, "Уралец" са Златавуста - 21:4 і "ЦСП "Обнінск" - 21:12.
Наступны этап расійскага першынства пройдзе ў студзені, а чэмпіён і прызёры вызначацца ў пачатку чэрвеня 2024 года.
Салігорскі "Шахцёр" стаў першым у гісторыі замежным клубам, які выступае ў чэмпіянаце Расіі па баскетболе 3х3, ён з'яўляецца базавай камандай нацыянальнай зборнай Беларусі.
Крыніца: minsk-region.gov.by