"Тэатрландыя": творчая лабараторыя для юных талентаў Дзяржынска
Да Новага года ўдзельнікі "Тэатрландыі" рыхтуюць спектакль - чароўную гісторыю пра зімовы лес і яго жыхароў. Твор - дзяржынскага сучаснага аўтара Таццяны Корневай крыху нагадвае Віфліемскую гісторыю.
Усіх герояў школьнікі ўвасабляюць самі і трупу робяць сваімі рукамі! З паперы нараджаюцца казачныя вобразы - птушачкі, кветкі, дрэвы, забаўныя жывёлы.
Цёмныя фігуркі на белым фоне - гэта тэатр ценяў. Ажывіць іх - асобнае мастацтва.
Адказныя за цені - Арсеній і Маша! Працуюць у чатыры рукі, матэрыялізуюць з дзясятак самых розных персанажаў. Іх праца вельмі цікавая, але і вельмі складаная. Патрэбна мець цвёрдую руку, каб яна не хісталася, не трымцела. Патрэбна вельмі ўважліва слухаць тэкст і адпавядаць яму: своечасова паказваць персанажы. І, нарэшце, калі ў цябе жартаўлівы, вясёлы настрой, то трэба маўчаць, і ні ў якім разе не смяяцца.
Хай смяюцца гледачы! Не толькі для самарэалізацыі - у якасці падарунка для ўсіх сяброў і знаёмых. Бібліятэчная ініцыятыва даўно ўжо выйшла за межы "храма кнігі" і стала віншавальнай.
Новы год у Дзяржынскай бібліятэцы адзначаюць феерверкам праектаў! Кніжны "Фрымаркет","Зімовыя чытанкі", ранішнікі з Дзедам Марозам і Снягуркай. Зрэшты, раней за ўсіх менавіта дзяржынская дзятва навагодняга чараўніка і сустрэла!
Дзяржынская бібліятэка, як і шматлікія іншыя, даўно ўжо не абмяжоўваецца функцыяй выдачы кніг. Установа - цэнтр культурнага, асветніцкага і забаўляльнага жыцця. Новы ж год тут увогуле, свята прыцягнення.
Крыніца: minsk-region.gov.by