Чарговымі навінкамі, асвоенымі ў рамках інвестпраграмы, сталі два стужачна-шліфавальныя станкі. Абсталяванне, запушчанае ў прэсавым цэху, аўтаматызуе працэс зачысткі вырабаваў ад акаліны і завусеніц, што ўтварыліся пры лазернай рэзцы і штампоўцы.
"Новыя станкі далі магчымасць павысіць якасць і скорасць апрацоўкі калец, рашотак, кранштэйнаў і дыскаў і іншых вырабаў з вугляродзістых, нізкалегіраваных і легіраваных сталей, якія ўваходзяць у вузлы і агрэгаты кар’ернай тэхнікі БЕЛАЗ. Абсталяванне таксама садзейнічае зніжэнню працаёмістасці працэсу апрацоўкі вырабаў і забеспячэнню высокай экалагічнай бяспекі вытворчасці", - расказалі ў прэс-службе.
Шматфункцыянальнае шліфавальнае абсталяванне выраблена з прымяненнем перадавых тэхналогій і мае высокую эксплуатацыйную надзейнасць. Кожны са станкоў уключае ў сябе абразіўную стужку і два камплекты ўніверсальных ролікавых шчотак. З іх дапамогай выконваецца апрацоўка паверхні загатовак шырынёй ад 50 мм да 1350 мм і таўшчынёй ад 0,5 мм да 80 мм, а таксама могуць ажыццяўляцца такія аперацыі, як скругленне кантаў, наданне шурпатасці і інш.
ААТ "БЕЛАЗ" – кіруючая кампанія холдынга "БЕЛАЗ-Холдынг" – буйнейшы сусветны вытворца кар’ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар’ерных самазвалаў асабліва вялікай грузападымальнасці. Вырабляе самы вялікі ў свеце кар’ерны самазвал грузападымальнасцю 450 т.
Крыніца: minsk-region.gov.by
