Па выніках 2023 года, прадпрыемства наведалі 51 595 турыстаў. Штомесяц на завод прыязджалі каля 4,3 тыс. аматараў вялікіх машын. За мінулы год праведзена больш за 1,7 тыс. экскурсій, што на 42 працэнты больш, чым у 2022-м.
У цэлым за восем з палавінай гадоў з пачатку рэалізацыі праекта "БЕЛАЗ - брэнд Беларусі" ўжо больш за 240 тыс. наведвальнікаў з Беларусі, Расіі і дзясяткаў іншых краін блізкага і далёкага замежжа змаглі на ўласныя вочы ацаніць маштабы і ўнікальнасць прадпрыемства.
Аднак з самых запатрабаваных актыўнасцей у гасцей - праехаць у кабіне сапраўнага БЕЛАЗа. Так, за мінулы год турысты пракаціліся ў кабіне самазвала амаль 2 тыс. разоў.
ААТ "БЕЛАЗ" - кіруючая кампанія холдынга "БЕЛАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы вялікі ў свеце кар'ерны самазвал грузападымальнасцю 450 т.
Крыніца: minsk-region.gov.by
