Не пашкадаваў каранавірус, на жаль, і Капыльшчыну. Мала таго, нашы медыкі сутыкнуліся з малавывучанай інфекцыяй у самым пачатку яе распаўсюджвання - грунтоўную праверку на трываласць і загартоўку давялося прайсці пасля выяўлення ачага інфекцыі ў аг. Новыя Дактаровічы.
Сяргей Пацяйковіч
— На гэты момант рэзкага павелічэння колькасці захварэўшых у раёне не назіраецца — распавядае Сяргей Пацяйковіч. - Аднак пнеўманій і пацверджаных выпадкаў каранавіруснай інфекцыі ўсё ж і цяпер нямала. Пры гэтым асноўная праблема — гэта цяжкія і сярэднецяжкія пнеўманіі. Больш чатырох дзясяткаў жыхароў Капыльскага раёна ўжо вылечыліся ад каранавiруснай інфекцыі. Частка з заразіўшыхся працягваюць праходзіць лячэнне. Яго працягласць і эфектыўнасць шмат у чым залежаць ад стану імунітэту і здароўя ў цэлым, а таксама здольнасці арганізма супрацьстаяць інфекцыі.
Медыкі нагадваюць: у выпадку нядужання самалячэннем займацца ні ў якім разе нельга! Усім, у каго выяўляюцца такія сімптомы, як павышаная тэмпература, кашаль, абцяжаранае дыханне і заложанасць носа, трэба заставацца дома і патэлефанаваць у рэгістратуру паліклінікі па тэлефоне 51-7-73. Медработнік звяжацца з пацыентамі, дасць далейшыя ўказанні або пракансультуе па тэлефоне. Да таго ж для прыёму пацыентаў з павышанай тэмпературай і сімптомамі ВРВІ абсталяваны кабінет інфекцыйных захворванняў, размешчаны ў будынку былога аддзялення пералівання крыві (уваход з вул. Савецкай), і кабінет былога прыёмнага аддзялення радзільні.
Як растлумачыў Сяргей Уладзіміравіч, калі ў лекара пры аглядзе з'яўляецца падазрэнне на тое, што пацыент заразіўся каранавірусам, то спецыялісты ў самыя кароткія тэрміны вырабляюць забор аналізаў і адпраўляюць іх у лабараторыі г.Мінска. У той жа час пацыенту ўручаецца патрабаванне аб захаванні правіл паводзін у самаізаляцыі, парушэнне якіх цягне адказнасць. За выкананнем грамадзянамі каранціну сочаць супрацоўнікі РАУС і работнікі санэпідстанцыі. Калі захворванне пасля пацвярджаецца, то праводзіцца праца па ўсталяванні ўсіх, хто знаходзіўся ў кантакце з інфікаваным чалавекам.
Пры бессімптомнай і лёгкай плыні каранавiруса пацыентаў лечаць на даму пад кантролем тэрапеўтаў і лекараў агульнай практыкі. Створаны асобныя брыгады, якія наведваюць кантакты першага ўзроўню тых, хто захварэў на даму, сочаць за іх станам і ў выпадку неабходнасці арганізуюць шпіталізацыю.
У сувязі з сітуацыяй, якая склалася, некаторыя аддзяленні Капыльскай ЦРБ перапрафіляваны пад інфекцыйныя. Павялічана і колькасць койка-месцаў у аддзяленні рэанімацыі. Як запэўніў Сяргей Уладзіміравіч, дастаткова ў раённай бальніцы і апаратаў штучнай вентыляцыі лёгкіх, а таксама кропак падлучэння да кіслароду.
Асаблівая ўвага надаецца забеспячэнню бяспекі медыцынскіх работнікаў. Недахопу ў самым неабходным няма. Сродкі індывідуальнай абароны (пальчаткі, спецкасцюмы, ахоўныя маскі, акуляры) паступаюць рэгулярна. Ва ўстанове аховы здароўя падтрымліваюць іх тыднёвы запас. На месяц наперад забяспечана бальніца і дэзінфекцыйнымі сродкамі. Пры правільным выкарыстанні ахоўнага арсенала рызыка заражэння медперсаналу мінімальна. І такая «страхоўка» вельмі важна. Бо ад людзей у белых халатах (а цяпер — у спецкасцюмах) залежыць вельмі многае.
Капыльскія медыкі да працы гатовыя (у аддзяленні рэанімацыі)
Дарэчы, карэктывы ў рэжым працы медыцынскіх работнікаў ўносіць пакуль не давялося. Ды і калектыў у выпадку неабходнасці, кажа галоўны ўрач, і без таго заўсёды гатовы ісці насустрач. Да таго ж добрым стымулам для тых, хто вымушаны знаходзіцца «на перадавой», ужо ў бліжэйшы час стане выплата вялікіх надбавак, прадугледжаных Указам Прэзідэнта Рэспублікі Беларусь Аляксандра Лукашэнкі «Аб матэрыяльным стымуляванні работнікаў аховы здароўя».
Медыкі робяць усё магчымае для сваіх пацыентаў, часцяком ахвяруючы пры гэтым асабістым часам і адсоўваючы на другі план свае сем'і. Аднак без разумення з боку абывацеляў усёй сур'ёзнасці сітуацыі, без адказнага стаўлення да свайго здароўя і здароўя блізкіх людзей намаганні дактароў дарэмныя. Таму, каб не трапіць на бальнічны ложак і тым самым не папоўніць спісы тых, каму давялося на сабе выпрабаваць інфекцыю, варта дакладна выконваць рэкамендацыі. Сацыяльнае дыстанцыяванне, недапушчэнне кантакту з інфіцыраванымі людзьмі, правільнае выкарыстанне сродкаў індывідуальнай абароны, мыццё рук, а ў выпадку неабходнасці і дакладнае выкананне рэжыму самаізаляцыі - той мінімальны пералік простых мер, якія дазволяць атрымаць перамогу ў нялёгкай барацьбе з нябачным, але такім небяспечным ворагам.
Аксана Міхайлоўская
