У склад Мінскай абласной і гарадской конкурснай камісіі ўваходзяць прадстаўнікі структурных падраздзяленняў Мінгарвыканкама і Мінаблвыканкама, аддзелаў БелГIМ, РУП «Барысаўскі ЦСМС», РУП «Маладзечанскі ЦСМС», РУП «Слуцкі ЦСМС», ДУ «Мінскі абласны цэнтр гігіены, эпідэміялогіі і грамадскага здароўя», ДУ «Мінскі гарадскі цэнтр гігіены і эпідэміялогіі».
У бягучым годзе ў фінал конкурсу «Лепшыя тавары Рэспублікі Беларусь» выйшлі прадукцыя і паслугі 30 прадпрыемстваў г.Мінска і Мінскай вобласці. Сярод фіналістаў першага этапу конкурсу – ТАА «Баранцава», ААТ «МІНСК КРЫШТАЛЬ» – кіруючая кампанія холдынгу «Мінск Крышталь груп», СТАА «Армянскі стандарт», ААТ «Слуцкі камбінат хлебапрадуктаў», ААТ «Барысаўскі завод пластмасавых вырабаў», СААТ «Камунарка», ВРУП «Мінгаз», ААТ «Мінскі трактарны завод», ЗАТ «Аўгуст-Бел» і інш.
У намінацыі «Харчовыя тавары» ў фінал выйшла прадукцыя 14 прадпрыемстваў Мінскай вобласці і г.Мінска; у намінацыі «Прамысловыя тавары для насельніцтва і вырабы народных промыслаў» – прадукцыя 4 прадпрыемстваў Мінскай вобласці і г. Мінска; у намінацыі «Прадукцыя вытворча-тэхнічнага прызначэння» – прадукцыя 10 прадпрыемстваў Мінскай вобласці і г. Мінска; у намінацыі «Паслугі насельніцтву» фіналістамі сталі 3 сталічныя прадпрыемствы.
Як вядома, конкурс «Лепшыя тавары Рэспублікі Беларусь» праводзіцца Дзяржстандартам сумесна з абласнымі выканаўчымі камітэтамі і Мінгарвыканкамам з 2002 г. і накіраваны на выяўленне і прасоўванне высакаякаснай прадукцыі, стымуляванне дзейнасці айчынных вытворцаў па павышэнні якасці і канкурэнтаздольнасці беларускіх тавараў і паслуг.
Конкурс праводзіцца ў два этапы. На першым - абласным - этапе конкурснымі камісіямі вызначаюцца тавары-фіналісты і сярод іх тавары, якія прэтэндуюць на прысуджэнне статусу «Навінка года», а таксама прэтэндэнты для прысуджэння спецыяльнай узнагароды «Лепшы ў рэгіёне». На другім этапе конкурсу - рэспубліканскім - конкурсная камісія прымае рашэнне аб прысуджэнні таварам звання лаўрэата і статусу «Навінка года», а канкурсантам – спецыяльных узнагарод «Лепшы ў галіне» і «Лепшы ў рэгіёне», дыплома «Стабільная якасць».
Звесткі аб таварах-лаўрэатах і іх вытворцах размяшчаюцца ў штогадовым каталогу «Лепшыя тавары Рэспублікі Беларусь» і на сайце Дзяржстандарту. Пераможцы атрымліваюць права выкарыстоўваць знак (лагатып) конкурсу на прадукцыі і яе ўпакоўцы, у дакументацыі і рэкламных матэрыялах.
Сярод фіналістаў першага этапу конкурсу:
- ААТ «Слуцкі сыраробны камбінат»
- ААТ «Слуцкі камбінат хлебапрадуктаў»
- ААТ «Салігорская птушкафабрыка»
- ААТ «Слуцкі воцатны завод»
Па інфармацыі РУП «Слуцкі ЦСМС»
