У ліку ўзнагароджаных - начальнік аддзела пенсійнага забеспячэння, выплаты пенсій і дапамог упраўлення па працы, занятасці і сацыяльнай абароне райвыканкама Святлана Бахта. Ёй уручылі падзяку міністра працы і сацыяльнай абароны. За ўклад у развіццё сферы сацыяльнай абароны падзяка старшыні Камітэта па працы, занятасці і сацыяльнай абароне Мінаблвыканкама аб'яўлена дырэктару Капыльскага ТЦСАН Святлане Маліноўскай, а Ганаровай граматай Мінскага абласнога Савета дэпутатаў узнагароджана загадчык аддзялення першаснага прыёму, аналізу, інфармавання і прагназавання Капыльскага ТЦСАН Іна Шарамет.
Аляксандр Дубіна (у цэнтры) з лепшымі работнікамі Капыльскага ТЦСАН
Цёплыя словы за нялёгкую працу і віншаванні з прафесійным святам гучалі і ў актавай зале Капыльскага ТЦСАН, куды былі запрошаны віноўнікі ўрачыстасці. У гэтай прафесіі няма выпадковых людзей, тут працуюць толькі спагадлівыя, міласэрныя людзі, з добрымі, велікадушнымі сэрцамі. Менавіта гэтую думку не раз падкрэсліваў падчас урачыстага ўзнагароджання намеснік старшыні Капыльскага райвыканкама Аляксандр Дубіна. А ў дадатак да цёплых слоў - узнагароды і кветкі. Ганаровымі граматамі і падзякамі старшыні камітэта па працы, занятасці і сацыяльнай абароне Мінаблвыканкама былі ўзнагароджаны лепшыя супрацоўнікі тэрытарыяльнага цэнтра. Сярод іх - інспектары па асноўнай дзейнасці аддзялення сацыяльнай дапамогі дома Тамара Белазаровіч і Аліна Грыбок, загадчык аддзялення дзённага знаходжання інвалідаў Ірына Рай, а таксама сацыяльныя работнікі Ірына Сабалеўская і Святлана Афанасьева. Падзякай старшыні Капыльскага райвыканкама адзначаны інструктар па працоўнай тэрапіі аддзялення забеспячэння дзённага знаходжання інвалідаў Наталля Качан і кіроўца ТЦСАН Вадзім Давідовіч.
Таццяна БОХАН
Крыніца http://www.kopyl.by