Шлях удзельнікаў велапрабегу ляжаў праз аграгарадок Лясное, дзе ўсталяваны бюст Героя Савецкага Саюза Вікенція Драздовіча, які, будучы старшыной міліцыі, камандаваў узводам партызан атрада імя Катоўскага. 3 снежня 1942 гады ўзвод уступіў бой з атрадам рэгулярнага нямецкага войска з мэтай затрымаць немцаў і даць паспець перадыслакавацца асноўным сілам партызан. Задача была выканана, але ў баі на могілках каля в. Кляцішча загінулі ўсе 18 партызан, у тым ліку і іх камандзір.
Наступным пунктам па маршруце былі тыя самыя могілкі, дзе праходзіў знакаміты Лаўскі бой і знаходзіцца брацкая магіла загінуўшых партызан, якія аддалі жыцці за Радзіму.
Супрацоўнікі ведамства ўсклалі кветкі да памятных месцаў, намеснік начальніка Капыльскага РАУС па ідэалагічнай рабоце і кадравым забеспячэнні Уладзімір Рудакоўскі распавёў пра гістарычны подзвіг загінуўшых у Лаўскім баю.
Сваімі ўражаннямі падзяліліся ўдзельнікі велапрабегу.
Начальнік штаба Вольга Капцяева:
— Наша паездка супала з Днём Перамогі, які мы адзначалі нядаўна, і Годам гістарычнай памяці. Мы павінны памятаць подзвіг нашага народа ў той страшнай вайне, каб не дапусціць гэтага ў сучаснасці і будучыні. Гэта гераічная памяць, якую мы мусім захоўваць заўсёды.
Старэйшы інспектар групы кадраў Аксана Гузава:
— Адметна, што Вікенцій Драздовіч - адзін з супрацоўнікаў Капыльскага РАУС. Таму авалодвае велізарнае пачуццё гонару ад усведамлення таго, што ў сценах райаддзела некалі працавалі такія героі, якія ўнеслі свой уклад у агульную Перамогу ў Вялікай Айчыннай вайне.
Павел Шэін
Крыніца http://www.kopyl.by