Каб паглядзець, як у раёне праходзіць дэкада бяспекі дарожнага руху, разам з супрацоўнікамі аддзялення ДАІ Капыльскага РАУС мы адправіліся ў ранішні рэйд да сярэдняй школы № 3 г. Капыля. Інспектары і члены атрада МААП яшчэ раз нагадалі бацькам і іх дзецям аб бяспецы.
Раніца. Да школы раз-пораз пад'язджаюць легкавыя аўтамабілі. Глядзім, як у іх перавозяцца дзеці і пераконваемся, што большасць бацькоў выконваюць перавозку сваіх дзяцей у спецыяльных утрымліваючых крэслах. Нагадаем, што калі рост маляняці перавышае 150 сантыметраў, тая наяўнасць аўтакрэсла не абавязкова, але патрабуецца ўжыванне ў такіх выпадках рамянёў бяспекі.
- Калі дзіцяці яшчэ не споўнілася 5 гадоў і яго рост ніжэй за 150 сантыметраў, прымяненне аўтакрэсла неабходна. Калі пры такім жа росце ўзрост дзіцяці ў межах 5-12 гадоў, дапушчаецца выкарыстанне іншых прылад утрымліваючага тыпу: падушак для сядзення, бустараў, дадатковых сядзенняў, - удакладняе старэйшы інспектар ДПС Сяргей Барадзін.
А вось якую праблему ўсё ж выявілі ўдзельнікі рэйду: не ўсе пешыя ўдзельнікі руху выкарыстоўваюць святлоадбівальныя элементы. Сярод іх як дарослыя, так і дзеці. Да таго ж, туман і цемра адразу дапамаглі выявіць, хто наколькі «заўважаны» ў межах праезнай часткі. Зноў жа, большасць пешаходаў забяспечылі сябе атрыбутамі неабходнай бяспекі, а тым, хто па якіх-небудзь прычынах не змог гэтага зрабіць, члены МААП Анастасія Турэйка і Павел Дамарад уручылі флікеры, нагадаўшы аб правілах дарожнага руху.
Яшчэ праблема – невыкананне хуткаснага рэжыму вадзіцелямі побач з навучальнымі ўстановамі. Як адзначылі інспектары, пасля «ляжачых паліцэйскіх» аўтааматары любяць «прытапіць газку». Такія несур'ёзныя дзеянні могуць прывесці да бяды, улічваючы, што ўвосень цёмная раніца суправаджаецца туманам і не адразу можна заўважыць пешаходаў. Таму супрацоўнікі АДАІ РАУС заклікаюць вадзіцеляў быць вельмі ўважлівымі.
Па словах старшага інспектара ДПС Сяргея Барадзіна, падобныя рэйды і гутаркі рэгулярна праходзяць і ў іншых масавых зборах дарослых і дзяцей, а таксама арганізацыях і ўстановах раёна, каб у чарговы раз нагадаць аб бяспецы ў цёмны час сутак. Бо лепш папярэдзіць, чым ператварыць у наступствы.
Пагадзіцеся, бяспека дзяцей на дарозе - прыярытэт №1 не толькі для бацькоў, але і для супрацоўнікаў Дзяржаўтаінспекцыі. Таму праводзімыя рэйды і праверкі таго, наколькі правільна перавозяць сваіх дзяцей бацькі ў аўтамабілях і ці выконваюць дзеці нашэнне святлоадбівальных элементаў, спрыяюць узмацненню дысцыпліны на дарогах.
Павел Шэін
Крыніца «СП»
