Капыльшчына далучылася да рэспубліканскай акцыі «Разам — за моцную і здаровую сям’ю», прымеркаванай да Дня сям’і.
Стартавала яна 12 траўня і працягнецца да 17 траўня. Адзначаецца, што комплекс тэматычных мерапрыемстваў накіраваны на ўмацаванне сямейных каштоўнасцей і іміджу традыцыйнага інстытута сям’і, а таксама на фармаванне гендэрнай культуры асобы.
На працягу тыдня ў Капыльскім ТЦСАН пройдзе шэраг мерапрыемстваў. Сярод іх — метадычнае навучанне ў рамках школы сацыяльнага работніка, выстава малюнкаў дзяцей работнікаў цэнтра, фотавыставы і выставы творчасці, псіхалагічная гасцёўня, відэафлешмоб сярод работнікаў ТЦСАН і атрымальнікаў сацыяльных паслуг. Віншавальная акцыя «Сям’я, сагрэтая любоўю» з удзелам членаў раённай арганізацыі Беларускага саюза жанчын завітае ў госці да залатых і сярэбраных юбіляраў сямейнага жыцця, якія пражываюць на тэрыторыі раёна.
Пройдуць спартыўныя мерапрыемствы, трэнінгі, круглыя сталы для сем’яў асоб з ліку дзяцей-сірот і дзяцей, якія засталіся без апекі бацькоў, маладых работнікаў ТЦСАН, шматдзетных сем’яў і сем’яў суправаджаецца з удзелам прадстаўнікоў зацікаўленых структур. Арганізавана будзе сумесная акцыя па пасадцы дрэў, кустоў і кветак: у ходзе мерапрыемства маладыя інваліды і грамадзяне сталага ўзросту высадзяць кветкі і туі ў скверы па вул. 50 год БССР г. Капыля.
Завяршаецца рэспубліканская акцыя дыялогавай пляцоўкай для маладых інвалідаў і грамадзян пажылога ўзросту «Сям’я ў нашым сэрцы: адкрыты дыялог». У рамках гэтага мерапрыемства плануецца ўдзел прадстаўнікоў праваслаўнай царквы, аддзела ЗАГС, Беларускага саюза жанчын, Беларускага саюза моладзі і грамадскага аб’яднання «Белая Русь». Гэтыя арганізацыі будуць садзейнічаць абмеркаванню актуальных пытанняў, якія датычацца сацыяльнай інтэграцыі, правоў інвалідаў і пажылых людзей, а таксама сямейных каштоўнасцей.
