Менавіта таму на чарговай сесіі раённага Савета дэпутатаў былі адзначаны і ўзнагароджаны прадстаўнікі грамадскасці, якія актыўна ўдзельнічаюць у добраўпарадкаванні рэгіёну і ўносілі значны ўклад у паляпшэнне знешняга аблічча і павышэнне ўзроўню камфорту пражывання жыхароў Капыльшчыны. Сярод іх — намеснік старшыні райвыканкама Іван Заяц, дырэктар УП «Пік-Лясное» Леанід Бутэвіч, індывідуальны прадпрымальнік Сяргей Чарняўскі.
Акрамя таго, рэдакцыя газеты «Слава працы» адзначана Падзякай за актыўны ўдзел у асвятленні пытанняў добраўпарадкавання і інфармацыйнае суправаджэнне дзейнасці сельскіх Саветаў дэпутатаў.
— Навядзенне парадку на тэрыторыі раёна застаецца важнейшым напрамкам дзейнасці Капыльскага раённага Савета дэпутатаў, — падкрэсліў старшыня райсавета дэпутатаў Уладзімір Рудакоўскі. — Мы высока цэнім уклад кожнага жыхара, хто сваёй працай і клопатам спрыяе ператварэнню роднага горада. Разам мы робім Капыльшчыну больш чыстай, утульнай і прывабнай, ператвараючы яе ў камфортную прастору для жыцця і адпачынку ўсіх гараджан.
