Гэта ўнікальнае, прыгожае, ілюстраванае гісторыка-дакументальнае выданне, якое было выдадзена ў выдавецтве «Беларусь» ў 2021 годзе. А першае знаёмства з ёй прайшло ў знамянальны для нашага краю год, калі нам выпаў вялікі гонар прымаць Дзень беларускага пісьменства.
Старт стварэнню гэтага выдання быў дадзены яшчэ ў 2017 годзе, калі супрацоўнікі рэдакцыі газеты “Слава працы” атрымалі заданне падрыхтаваць цікавую кнігу пра багатую гісторыю Капыльшчыны. І пачаўся плённы творчы працэс: пошук матэрыялаў і фотаздымкаў, вёрстка і вычытка. У выніку атрымаўся даведнік, матэрыял у якой быў змешчаны па раздзелам.
— У кнізе прыведзены гістарычныя падзеі, якія асвятляюць розныя бакі жыцця, нададзена шмат ўвагі персаналіям розных гадоў, — гаворыць яшчэ адзін удзельнік стварэння кнігі дырэктар Капыльскага раённага краязнаўчага музея Валянціна Шуракова. — У кожным раздзеле гэтай кнігі, у кожным слове, у кожным сказе — карпатлівая работа і супрацоўнікаў раённага краязнаўчага музея, і бібліятэкараў Капыльскай раённай бібліятэкі імя Анатоля Астрэйкі.
Кніга “Капыльшчына” мае раздзелы, у кожным з якіх змешчаны цікавыя інфармацыя і фотаздымкі, большасць якіх зроблена карэспандэнтамі раёнкі. І ўвогуле атрымаўся цудоўны дапаможнік для тых, хто хоча ведаць больш пра родны край.
У прэзентацыі кнігі таксама прымалі ўдзел супрацоўнікі раённай цэнтральнай бібліятэкі імя А. Астрэйкі і настаўнікі Дзіцячай школы мастацтваў.
Дзіяна ТКАЧЭНКА
Источник http://www.kopyl.by
